தேடித் தேடி ஓடுகிறார்
சேர்த்தும் சேர்த்தும் தேடுகிறார்
போதாது போதாது எண்ணுகிறார்
நித்தம் நித்தம் ஓட்டத்திலே
தன்னையே தன்னையே தொலைக்கிறார்
காகிதம் தானது ஆனாலும்
காந்தி அவரது சிரிப்பினால்
கனம் கூடிப்போவது ஏன்?
கனத்தால் கூனிப் போனாலும்
முன்னே முன்னே ஓடுகிறார்
தத்தம் சிரிப்பை மறக்கிறார்
அட்டை டிஜிட்டல் வந்தாலும்
ஓட்டத்தில் என்றும் குறைவில்லை
வேகத்தில் சிறு தளர்வில்லை
காந்தி சிரிக்கத்தான் செய்கிறார்
