முடிவுரை

சுவாச கோளாறு

முடிவுரைக்கு முன்னுரையாக

பெயர்த்தி தோளில்

துயில்கையில்

பல்லில்லா சிரிப்பு

முடிவுரையின் பொருளுரைக்கு

முதல் வரியாக

வண்ண வண்ண மாத்திரைகள்

என்னவளின் போதனைகள்

பெயர்த்தியவள் பதிலறியா கேள்விகள்

மகனோடு மகிழுந்து பயணங்கள்

காலை நடைபயிற்சியில் நண்பர்கள்

தினமும் மாலை கோவில்கள்

அவ்வப்போது சிகிச்சைகள்

என முடிவுரையே

ஆயிரம் பக்கங்கள்

இன்னும் பக்கங்கள் ஆயிரம் வேண்ட

காகித பற்றாகுறையோ

இறைவன் வைத்தான்

முடிவுரைக்கு முற்றுபுள்ளி...