கொஞ்சம் சிரி

சோகங்கள் வேண்டாமே நீயும் தான் கொஞ்சம் சிரி
கண்ணீரே வேண்டாமே கண்ணாடி கலங்கிடுமே
உந்தன் பொய்யில்லா சிரிப்பினை கண்ணாடி கொண்டாடும்
உந்தன் கன்னத்து குழி கண்டு கண்ணாடி வெட்கம் கொள்ளும்

உந்தன் புன்னகையில் யாழ் இசையும் தோற்றிடுமே
உந்தன் கண்ணில் கண்ணீர் அடடா தேம்பி வருவது ஏன்
நீயும் தான் அழுவதை கண்டால்
நிலவும் வராது போகும்
உன் கண்ணீர் பூமியில் பட்டால்
பூகம்பம் வந்திட கூடும்
நீயோ சிரித்தால்
வானம் எங்கும்
மேகம் கூடி
மழையும் பொழியும்
காகித பூவில் கூட மனம் வீசும்
வண்ணத்து பூச்சிகள் கூட நெடுநாள் வாழும்
நெடுநாள் வாழும்
நெடுநாள் வாழும்

உந்தன் சிரிப்பின் அலையே
பூச்சிக்கும் இசையாகும்
உந்தன் சிரிப்பின் அலையே
பூச்சிக்கும் இசையாகும்
அந்த ஒலியினை கேட்டிட
பறவைகள் பரதம் ஆடும்
அந்த இசையினை கேட்டிட பாம்பும்
காதுகள் கேட்கும்
அந்த இசையினை கேட்டிட பாம்பும்
காதுகள் கேட்கும்

மரமும் அதற்கு அசைந்து கொடுக்கும் 

கடலின் அலையும் சுகமாய் உணரும் 

எல்லோரும் ரசித்திட கொஞ்சம் சிரி 

சோகங்கள் எதற்கு கொஞ்சம் சிரி 

கொஞ்சம் சிரி 

கொஞ்சம் சிரி





இது ஹிந்தி திரைப்படம் Striker இல் இடம்பெற்ற சம் சம் என்ற பாடலை தமிழில் அழகுபடுத்தி பார்க்கும் முயற்சி. கிழே இருக்கும் இந்த காணொளி இந்த பாடலின் உடையது. தமிழில் பொருந்த பாடுங்கள். வரியை மாற்றி அமைப்பினும் பொருள் மாறாது இருக்கும்படி எழுதி உள்ளேன்
நீயும் தான் கொஞ்சம் சிரி சோகங்கள் வேண்டாமே முதல்
கொஞ்சம் சிரி சோகங்கள் எதற்கு வரை அவ்வாறே எழுதி உள்ளேன்.
கடைசி வரியிலிருந்து மேலே போயினும் ஒரு கவிதை.
கொஞ்சம் சிரியுங்கள் பாடலை பாடி. பாடலை பாடி கொஞ்சம் சிரியுங்கள். :)