இந்த வாழ்க்கை வாழத்தான்
என்னென்ன புண்ணியம் செய்தேனோ?
 |
| தென்பாறை, பூதபாண்டி அருகில், கன்னியாகுமரி மாவட்டம் |
பச்சை நிறச்சட்டையாய் மலைக்கு செடிகள்
பாவம் மலைக்கு குளிரோ?
போர்வையாய் வாரும் மேகம்
கலப்படம் இல்லாத நீலவானம்
இந்த அழகினைக் காணத்தான்
கண்கள் இரண்டை வைத்தானோ?
 |
| தென்பாறை, பூதபாண்டி அருகில் கன்னியாகுமரி மாவட்டம் |
கண்ணுக்கு முன்னே வண்ண ஓவியம்!
பச்சை நிற மரங்கள்
நீலமும் பச்சையுமாய் அழகிய ஏரி
சிறகுகள் நீரில் படும்படி
பறந்து திரியும் வெண்ணிற கொக்கு
இந்த அழகினைக் காணத்தான்
கண்கள் இரண்டை வைத்தானோ?
 |
| தென்பாறை, பூதபாண்டி அருகில், கன்னியாகுமரி மாவட்டம் |
நீர் பாறையில் மோதும் ஒலி தாளமாக
காற்றோடு இசை பாடும் பறவைகள்
ஏழு ஸ்வரங்களில் இயற்கை கச்சேரி!
இதனைக் கேட்டிடத்தான்
காதுகள் இரண்டை வைத்தானோ?
 |
| தென்பாறை, பூதபாண்டி அருகில், கன்னியாகுமரி மாவட்டம் |
தேகம் தீண்டும் தென்றல்
கண் வழியே மனம் ரசிக்கும் அழகு
காது வழியே இதயம் கேட்கும் இயற்கை ஒலி
நுரையீரல் குதூகலிக்க காற்று
இவையாவையும் கண்டு கேட்டு உணர்ந்து
பாறையில் அமர்ந்தவாறு நான்
 |
| தென்பாறை, பூதபாண்டி அருகில், கன்னியாகுமரி மாவட்டம் |
இவையாவும் அனுபவிக்கவே
உடலும் அதற்கு உயிரும் வைத்தானோ?
இந்த வாழ்க்கை வாழத்தானே
என்னென்ன புண்ணியம் செய்தேனோ?
No comments:
Post a Comment