நான் நாயகி எண் இரண்டு

நாயகன்பால் அன்பு கொண்டு
அளவிலா காதல் செய்து
அறிவிலா நான்
அவன் அழகிலும் அறிவிலும் மயங்கி
கனாலோகத்தில் டூயட் பாட்டு என
சுகமாக சென்றது என் பாத்திரம்

இடைவேளை முன்னர்
சிற்றுண்டி சாலைக்கு
அவன் என்னை அழைத்து
காதலை சொன்னான்
காதலியோ நானில்லை
பக்கத்து நாற்காலியில்
பளிச்சென்ற ஆடையும்
அதீத அரிதாரமுமாய்
அழகு கூடி
பொய்யான அழகில் இன்னொருத்தி
எனக்கோ ஒப்பனை இல்லை

சட்டென உரைத்தது
கதை பற்றாக்குறையால் இணைக்கப்பட்டு
இடைவேளைக்கு பின்னர்
காதலனுக்கு தோழியாகி
இறுதி காட்சியில்
அவருக்கு குறி வைத்த குண்டை
நடுவினில் புகுந்து
என் மேல் வாங்கி
இன்னுயிர் நீக்கும்
இரண்டாவது கதாநாயகி என்னும்
தியாகச்செம்மல் நான் என்று